تشـــــــــتـــــــــري الــــــــــــديــــــــــــك؟؟؟
فيه ولد طفران (ماعنده ولا ريال) راح لابوه
وقاله : عطني 15 ريال,,ودي اشتري كوره
الابو : أقول إنقلع عني تراها واصله معي
الولد : تكفى يبا,,بس 15 ريال والا اقولك خلها عشرة ريال
الابو : ماعندي فلوس ... إذا تبي فلوس روح بيع الديك حقك المريض اللي بالحوش ..
الولد : بس هذا مريض ومحد بيشتريه
الابو : ماعلي منك...دبر نفسك
والله الولد استسلم للأمر الواقع واخذ الديك
أول واحد قابله في وجهه اكيد أبوه....قاله الولد: تشتري الديك؟؟
الابو : اقول بتنقلع عني ولا أقوم اتوطى في بطنك؟؟
الولد : خلاص خلاص لاتنفخ
طلع الولد من البيت ومعه الديك في محاوله يائسه إن الديك ينباع عرض الديك على أهل الحاره كلهم ولا واحد فيهم قبل إنه يشتري الديك
قال الولد: اممممممممم, والله مالي إلا فلانه,,عقلها خفيف وأكيد بقدر ألعب عليها بسهوله
فلانه هذي كانت وحده متزوجه بس للاسف كانت رايحه فيها وتخون زوجها راح لها الولد عشان يبيع عليها الديك
الولد :تشترين الديك تكفين؟؟
الحرمه: .. تعال قرب أعطيك بوسه
الولد :اقول مانيب فاضي لك .. خذي مني الديك وخليني اروح
الحرمه: تروح وين ياولد!! انا ماصدقت إني شفت رجال عندي في البيت ...
الولد : ومنهو اللي قالك إن انا رجال ؟؟خذي مني الديك وخليني أنقلع
شوي الا الباب يدق خافت الحرمه
وقالت للولد: تعال إندس هنا في الدولاب لايطلع زوجي و نروح فيها.
حطت الولد في الدولاب وراحت فتحت الباب إلا وطلعلها صديقها اللي تخون زوجها معاه ..
الحرمه: هلا بعمري وحياتي
الرجال: يا هلا فيك عمري...
ما أمدا الرجال يكمل كلمته إلا والباب يطق
الحرمه: ياويلي ويلاه....هذا شكله زوجي......تعال وادخل في الدولاب
دخل خوينا في الدولاب وفجاه في عز الظلام سمع صوت يكلمه داخل الدولاب
ويقوله: تشتري الديك؟؟
الرجال: اصصصصصصصص....... رخي صوتك الله يرحم والديك لاتفضحنا
الولد:أقول تشتري الديك ؟؟
الرجال: ياخوي خلاص بشتري الديك بس قصر على حسك تكفا...
الولد : طيب
الرجال: بس بكم تبيعه؟؟
الولد : ب100 ريال
الرجال انصدم: ايش!! هالديك المنتف المريض ب 100ريال ؟؟؟
الولد : تبي تشتري ولا ارفع صوتي؟؟
الرجال: لا لا خلاص.....ابشتري وأمري لله
جلسو 5 دقايق
الولد : تبيع الديك ؟؟
الرجال: توك بايعه علي يابن الحلال!!
الولد : تبيعه علي ولا ارفع صوتي؟؟
الرجال: لا لا خلاص....اببيعه وأمري لله....بكم تشتريه ؟؟
الولد :بريال
الرجال: أيش!! بريال!!!! انا مشتريه منك ب 100 وانت تشتريه مني بريال ؟؟؟؟؟؟؟؟!!!
الولد : تبيعه علي ولا ارفع صوتي ؟؟
الرجال: لا لا خلاص....اببيعه وأمري لله
جلسو 5 دقايق
الولد: تشتري الديك ؟؟
الرجال: ياخوي توني مشتريه منك!
الولد :تبي تشتري ولا ارفع صوتي؟؟
الرجال: لا لا خلاص....ابشتري وأمري لله.....بكم تبيعه
الولد : ب200 ريال
الرجال: الله يمحط بك انشالله......توني مشتريه منك ب 100 ريال!
الولد :تبي تشتري ولا ارفع صوتي ؟؟
الرجال: لا لا خلاص....ابشتري وأمري لله
جلسو 5 دقايق
الولد :تبيع الديك ؟؟
الرجال: انا لله وإنا إليه راجعون.....بكم تبي تشتريه؟؟
الولد : بريال
الرجال: وش تبيني أقول!! تبيني أبكي ولا أشقق هدومي....يالله خذ الديك وببلاش
بعد ما اخذ الولد الديك شوي ألا الحرمه فاتحه عليهم الدولاب
وقالتلهم: يالله بسرعه انحاشوا دام إن زوجي في الحمام..بس واحد ورا الثاني وبشويش عشان لايحس فيكم زوجي
طلع الرجال وانحاش ولحقه الولد بعده ب5 دقايق المهم...قام الولد
يتمشى في الشارع وهو مستانس إن صار معاه فلوس .. بعدين راح
للبيت يوم دخل البيت شاف ابوه قدامه .. راح قال
لابوه: تشتري الديك ؟؟
الأبو ناظر فيه والشرار طالع من عيونه
وقاله: مايكفيك يابن (...) الــ 300 ريال اللي لطشتها مني في الدولاب.
( اثاريه ابوه اللي في الدولاب هههههههههه )
هههههههههههههههههههههههههههههه
